Vastelaovesvereiniging "De Windjbuujels" Ruiver

VVDW

Regelemente toekènning van de “Windjse Windjbuujel”

De vereiniging kent leje van verdeenste, iereleje etc., mèr de hoeëgste óngersjeiïng van de vereniging is die van de “Windjse Windjbuujel”. ‘t Is ‘n óngersjeijing die zieër selektief, en zaeker néét jaorliks, aan ‘nne Ruiverse miens of vereiniging wuuërt oetgereik. Doel van de toekenning van de ‘Windjse Windjbuujel’ is: Publieke hulde en ierbetoeën bringe aan eine of mieërdere persoeëne en/of insjtellinge die zich op biezónjere en zeer verdeenstelikke wieëze höbbe ingezatte veur ‘t Windjbuujelriek, aevel neet óm of vanoet kómmersjéle doelsjtellinge.
Oetgangspunte met betrekking toet de toekenning van de ‘Windjse Windjbuujel’:

  •  de kandidaat haet zich biezónjer verdeenstelik gemaak veur ‘t Windjbuujelriek op sósjaal-maatsjappelik- of kultureel gebied in ‘t kader van ‘t Vastelaoves-gebeure of
  • de kandidaat oet ‘t Windjbuujelriek haet zich boete ‘t Windjbuujelriek biezónjer verdeenstelik gemaak op sósjaal-maatschappelik- of kultureel gebied in ‘t kader van ‘t Vastelaovesgebeure.

Toekenning gebeurt door ‘t besjtuur van de Vastelaovesvereining op veurdrach van de Windjse Windjbuujelkemissie. Dees kemissie besjteit op dit moment oet de hieëre Wiel Verlinden, Twan Cremers, Leon Smolenaars en Andy van Helden. De óngersjeijing besjteit oet ‘n beeldje van de handj van de Ruiverse kunstenaer Joep Nicolas met ‘n biepassende oerkonde. Door de toekenning óntsjteit veur de óntvanger ‘n persuuënlik rech veur ‘t laeve op vrieje toegang toet vriejwaal alle vastelaovesaktiviteite van Vastelaovesvereiniging ‘De Windjbuujels’.

Hajers Windjse Windjbuujel

  •   Frits Cremers (01-11-1980) *
  •   Lam Boonen (14-11-1982) *
  •   Piet Vintcent (11-11-1984) *
  •   Nol Wassen (31-01-1988) *
  •   Martin van de Munckhof (10-01-1993)
  •   Sjra Vintcent (13-11-1994) *
  •   Johanna van Dijk (27-03-1998)
  •   Vriejwilligerskorps van sjtichting zjwömbad de Bercken (13-11-2005)
  •   Jan Stinges (13-11-2005)
  •   Pé Schouten-Gommans (14-01-2009)
  •   Gerard Ligthart (19-01-2013)
  •   Sjaak Selen (28-01-2017)