Vastelaovesvereiniging "De Windjbuujels" Ruiver

VVDW

Verkoup Vastelaovesmagazine De Windjbuujel

Ouch dit jaor presenteert Vastelaovesvereiniging De Windjbuujels magazine De Windjbuujel,
mèt dao in alle vastelaoveshoeëgheje in ‘t Windjbuujelriek. Verder oetgebreide versjlage van
de aafgeloupe vastelaovesactiviteite, truukblikke op de vastelaovesoptochte van 2019, mer
ouch op de presidentewissel. Mèt interviews van de veurmalige president Marco en de neije
president Roy. Ouch ‘ne blik truuk in de tied nao de prinsefoto’s, same mèt veurmalig
hoffotograaf John Hermans.
En nag väöl belangrieker: né houp sjaele wazel: de fotokwizzz en ‘Wat zaet d’r? Zoeë sjtaon
veur natuurlik sjtil bie ózze nieje burgemeister en is d’r in naovolging van ’t veurig jaor ’t
Ruiverse fake-news in The Ruiver Post. Det alles prachtig vorm gegaeve en mèt väöl foto’s
opgefleurt.
Op dónderdig 13 fibberwarie waert dit vastelaovesmagazine vanaaf 18.00 uur hoes aan hoes
veur mer €4,- per sjtök te koup aangebaoje. Bie aankoup van ‘n magazine krieg geur ‘ne
gratis poster van ‘t nieje prinselikke trio 2020.
Moch geur op de dónderdig neet in de gelaegeheid zien óm ‘t magazine te koupe en wilt
geur d’r waal ‘ne höbbe, den kènt geur vanaaf vriedig 14 fibberwarie terech bie de Bruna en
Welkoop Reuver. As geur wilt meihelpe bie de verkoup, sjtuur den veur woensdig 12
fibberwarie ’n mailtje nao redaksie@windjbuujels.nl.