Vastelaovesvereiniging "De Windjbuujels" Ruiver

VVDW

Prins Roel I (de Vlieger)

16 fibberwarie sjtóng aangesjtreep, idderein had de koffers gepak, de kamers ware gerizzerveerd, Hotel de Windjbuujel waas volgeboek. Gehiel in sjtiel van ’t Vastelaovesthema waas de bühne bie de Sjakel getransformeerd nao ‘n 5-sjterre hotelresepsie.

De hieëre van Net Oet Bed äöpende de aovend met ’n muzikale vertolking van ‘Hotel de Windjbuujel’, ‘ne cover op ’t legendariese ‘Hotel California’. Door dees verrassing waas ’t nieje Windjbuujeltrio 2019 nimmer te haje en kwaam de lif vanoet de baovenste verdeeping nao ónger. De lifdeure ginge aope en de volgepakde Sjakel maakde kennis met de Windjbuujelprins 2019: Roel de Vlieger. Zien adjudante zien zien zjwaoger Roel Houwers en vrunjd Hein Leenders. Same met alle Windjbuujelinnekes en Windjbuujels, groeët en klein, geit dit trio de kómmende waeke fieës viere ónger ’t motto ‘Deze vleeger geit op!’.