Vastelaovesvereiniging "De Windjbuujels" Ruiver

VVDW

KVL finale 2018 oppe Ruiver

Stichting KVL organiseert same mèt ós de finale van ‘t Kinjer Vasteloaves Leedjesfestival (KVL) op zóndigmiddag 28 jannewarie 2018 in de Sjakel.

KVL en Windjbuujels
Mede dankzij de jaorlikse Blageliedjesmiddag höbbe veur ‘n lange suksesvolle reeks van KVL deelname. Aafgeloupe jaor won Marijn Hermans de twieëde pries. Ouch de ieërste pries ging vurrig jaor mèt de Blage van de Windjbuujels truuk nao oppe Ruiver. De finale in 2o18 waert live oetgezonde door L1TV.

Van halve finale nao finale
De route nao de finale sjtart op woensdig 13 september. Vanaf dae daag kènne toet maondig 23 oktoeëber liedjes waere ingezonde nao stichting KVL. De inzendinge waere tiedes twieje halve finales door de jury beoordeeld. Tiedes de halve finales zinge alle artieste live. De Moerebuuk oet Ell organisere op zóndig 19 november de ieërste halve finale. Zóndag 26 november is de twieëde finale bie CV de Doorzetters oet Neerbeek. Vriedag 1 december is ‘ne sjpannende daag veur alle deilnimmers. Stichting KVL maak den de ellef finaliste bekend die ‘t groeëte KVL finale podium op 28 jannewarie in Zalencentrum de Schakel moge betraeje.