Vastelaovesvereiniging "De Windjbuujels" Ruiver

VVDW

Hans Boonen nieje Windjse Windjbuujelhajer 2020

Vastelaovesvereniging de Windjbuujels haet zaoterdig 25 jannewarie tiedes de Sjterzitting Hans Boonen genomineerd veur nieje Windjse Windjbuujelhajer. Hans Boonen is zelf actief besjtuurslid maar waas uiteraard neetzelf oppe huuëgte en waerde mèt de nominasie kompleet verras.

Lam Boonen
Biezónjer is det zien vader Lam Boonen in 1982 deze ieër ouch al te beurt veel. Naodet de ieërste artieste hadde opgetraeje waerde ’t programma door veurzitter Andy van Helden óngerbraoke. Same mèt de angere kemissieleje Wiel Verlinden en Leon Smolenaars waerde ’t publiek veurgehaje det de nag oet te rope Prins waas oetgelek.

Bekendmaking
De nag vigerende Hoeëgheid Prins Roel I had de ieër om i.p.v. de naam van de Prins de nominasie toet Windjse Windjbuujelhajer bekend te make. Op de bühne kós de kersverse nominee en zien vrouw Lianne de ieërste felisitasies in ontvangs nimme, waonao d’r ’n hertverwermend applaus opkwaam. Op ’n later moment zal nag ’n receptie plaatsvinje, wao-in Hans Boonen ’t biebehuuërende beeldje en ’n biepassende medalie en oorkonde in ontvangs geit nimme.

De óngersjeiïng Windjse Windjbuujelhajer is de hoeëgste óngersjeiïng van vastelaovesvereiniging de Windjbuujels. ’t Doel van dees óngersjeiïng is ’n publieke hulde en ieërbetoeën aan ein of mieërdere persoeëne of instellinge die zich op aeve biezónjere en zieër verdeenstelikke wieze op sociaal, maatsjappelik en/of kultureel gebied in of boete ’t ‘Windjbuujelriek’ inzetten

.