Vastelaovesvereiniging "De Windjbuujels" Ruiver

VVDW

Aanmelde Groeëte óptoch

Op vastelaovesmaondig (24 fibberwarie a.s.) trèk d’r weer de groeëte óptoch door ós Windjbuujelriek. Vanaaf 11 minute euver half twieë zal zich ‘ne bónjte sjtoet vanaaf de Keulsewaeg in Óffebek nao de Ruiverse merret verplaatse. Asse dao aan mei wils doon kèn det natuurlik. Op ózze site (www.windjbuujels.nl) vinjs se ’t insjriefformulier ónger de knoep ‘Aktueel’. Hie sjteit ouch ’t reglement. Wils se mèt ‘ne praalwage meidoon den is d’r ’n meugelikheid óm subsidie te kriege. Ouch dao vinjs se ’n aanvraogformulier, via ‘ne link op ‘t insjriefformulier. Dink den waal aan de verzekering die aafgesjlaote mót waere.

As se vraoge haes kèns se die sjtelle via optoch@windjbuujels.nl.

Hiel gaer zeen veur uch truuk op ’t deilnimmersformulier van de groeëte óptoch. Mèt of zónger Toeters en Belle.

Mèt vastelaovesgroete,

De Óptochkemissie.